CommonManClick: 2012

Wednesday 26 December 2012

Way to Heaven

Way To Heaven

"आजोबा, देव कुठे रहातो?" -
"तो बघ, तिकडे दूर आकाशात, ढगांच्या पलीकडे..."

लहानपणी हेच उत्तर मला मोठी लोक सांगत असत. आणि आता मी मोठा झाल्यावर लहान मुलांना हेच सांगतो.

हे आठवायचे कारण होते ती ही वाट, पुरंदरेश्वर मंदिराकडे जाणारी....A Way to Heaven....

Saturday 27 October 2012

गोलघुमट

माणसाने कला, विज्ञान आणि तंत्र वापरून निर्माण केलेली हि अजोड आणि अप्रतिम वास्तुकला click करण्याचा छोटासा प्रयत्न केला आहे 2009 मध्ये माझ्या पहिल्या LG Cookie KP500 3 Megapixel मोबाईल कॅमेर्यामधून.

Tuesday 16 October 2012

कधी कधी आयुष्य एकदम उदास होवून जाते. मनावर अशी एक मळभ येते. आयुष्य नकोसे वाटते. जेंव्हा कोणीच आपल्याला समजून घेत नाही असे वाटते तेंव्हा मी निसर्गात जातो आणि मनाची उभारी घेवून परत येतो.

या फोटोतसुद्धा अशीच एक उभारी मी टिपण्याचा प्रयत्न केला आहे. माणसात असणारा एक माणूस जेंव्हा स्वताकडे, आपल्या आतल्या आवाजाकडे पहातो तेंव्हा तो वेगळा दिसतो. मग कितीही मळभ येवू दे, स्वताला कितीही नैराश्य येवू दे जर त्याने स्वताच्या आतील वेगळ्या प्रवाहाकडे पाहिले तर तो नक्कीच उभारी घेवू शकेल.माणसांच्या गर्दीत स्वताला हरवू नये.लालच देणाऱ्या दिव्यांनी स्वताला भुलवू न द्यावे.आपली वाट स्व वर विश्वास ठेवून चोखाळावी.सांजवेळेस पाण्यात दिसणारा एक वेगळा प्रवाह हेच तर सांगतो.

Sunday 30 September 2012

तलाव

काही गोष्टी अश्या असतात कि ज्या कधीच ठरवून होत नाहीत. आणि चांगल्या भटकंती या छोट्या असल्या तरी अविस्मरणीय होतात. अशीच एक छोटी आणि कायम लक्षात राहील अशी भटकंती या गणेश चतुर्थीला घडली.

मित्रांबरोबर हिंजवडीच्या मागे एक पवना धरणाकडे जाणारा रस्ता आहे तिकडे फिरायला गेलो होतो.ठिकाणाचे नाव माहित नाही. प्रसिद्द ठिकाण नाही आहे हे काही.फोटोत जे नाव दिले आहे ते एक गाव आहे तिथले.त्याचेच नाव दिले आहे स्थळ म्हणून. पण येणाऱ्या काळात प्रसिद्द ठिकाण होईल सुद्धा. पर्यटन क्षेत्र बनेल सुद्धा. मग तिथे माझे जाणे बंद होईल कारण एकदा गर्दी वाढली कि मला ती ठिकाणे नकोशी वाटतात. कारण तिथे निसर्ग भेटत नाही तर एक माणसाने घाण केलेला, ओरबाडलेला निसर्ग रहातो. त्याची मनाची तगमग मग पहावत नाही.

४ गाड्या आणि आम्ही आठजण निघालो. वेळ कमी होता. पण भटकंतीला कधी काळवेळ आणि ठिकाण नसते. फक्त मनसोक्त फिरा,निसर्गाचा आनंद घ्या,मुक्काम किंवा ठिकाणच ठरलेले नसल्याने फक्त जिथपर्यंत जाता येईल तिथपर्यंत जायचे आणि मागे फिरू वाटले कि फिरायचे, थोडीशी स्वताची आणि निसर्गाची काळजी घ्यायची. तसेच आम्ही केले. या भटकंतीला थोडीशी काळी किनारसुद्धा होती. कारण एक कुत्रा अचानक मध्ये आल्याने आमच्यातील एक गाडी घसरून पडली.दोघांना थोडेसे लागले पण फार काही झाले नाही. थोड्या वेळाने आम्ही त्याच गोष्टीची मजा लुटली. टिंगल टवाळी करत आम्ही पुढे जात असताना मध्ये एक तलाव लागला. मग काय सगळ्यांची photography, modelling बाहेर यायला लागली. त्याच तलावाचे फोटो काढताना हे २ अप्रतिम फोटो मला भेटले.

Tuesday 25 September 2012

पाऊलवाट

सिंहगड किल्ला.सप्टेंबरमधील एक धुंद संध्याकाळ. सोबत मी, माझी पत्नी आणि नुकतेच लग्न झालेला माझा चुलत भाऊ त्याच्या पत्नीबरोबर असे आम्ही चौघेजण मस्त रमत गमत, गरम कणीस खात इकडे तिकडे फिरत होतो. कुंद वातावरण, फुललेली अनेक रंगी फुले,वाहत असलेले झरे,कधी मध्येच येणारा पाऊस, तर कधी मधेच येणारे ढग, वातावरण अजून मस्त बनवत होते.

ढग काही सूर्याला बाहेर येवू देत न्हवते. आणि अशा मस्त वातावरणात आमचे फोटो काढण्याचे उद्योग चालूच होते. अशाच एका पाऊलवाटेवरून जात असताना सूर्य थोडासा आणि थोड्या क्षणासाठी बाहेर आला आणि अचानक मला त्याने हा सुंदर फोटो क्लिक करण्याचा अवसर दिला. माझे नशीब अजून जोरात होते ते यासाठी की एवढा प्रसिद्ध किल्ला आणि या जागी यावेळेस कोणीच न्हवते. प्लास्टिक किंवा पर्यटकांनी केलेला कचरासुद्धा न्हवता.त्यामुळे खूप कमी वेळ असूनसुद्धा मला हा फोटो क्लिक करता आला.

फोटो क्लिक केला आणि सूर्य परत ढगाआड गेला. दुसरा फोटो क्लिक करण्याची त्याने संधी दिली नाही. खरच काही संधी एकदाच येतात. आपल्याला फक्त ती साधता यायला हवी आणि मी ती त्यावेळेस साधली.

एवढा मस्त नैसर्गिक प्रकाश होता की फोटोला digital alter करण्याची गरजच भासली नाही. आणि मला असे नैसर्गिक फोटो digitalली alter करू सुद्धा वाटत नाहीत. एकदा फोटो edit केला की त्यात काही मजा राहत नाही आणि तो फोटो original सुद्धा रहात नाही.

Monday 10 September 2012

इंद्रायणी आणि अभंग

मला या फोटोंमध्ये नक्की काय पकडायचे आहे? आकाशी तळपणारा सूर्य, कि नदीवरचे तरंग आणि त्या तरंगावरती सूर्याने केलेली किरणांची पाखरण....? नाही मला त्या दिवशी वेगळेच काहीतरी capture करायचे होते.

हि तीच इंद्रायणी, जी तुकारामांची अभंग गाथा पोटात घेवून पावन झाली. हि तीच जागा जिथे तुकारामांनी सामान्यांची भंगलेली मने परत अभंग केली. जिथे एका विद्रोही कवीच्या १३ दिवसांच्या उपासानंतर इंद्रायणीने तिच्या काळजात जपून ठेवलेली गाथा त्याची त्याला परत केली....

तोच काळ, तीच वेळ, तसेच मनाची घालमेल करणारे वातावरण मला फोटोत आणायचे होते. आणि त्यासाठी black & white फोटोशिवाय मला दुसरा पर्यायाच दिसला नाही. हाच प्रयत्न मी फोटो काढते वेळेस केला. मला माहित नाही कि या प्रयत्नात मी कितपत यशस्वी झालो आहे....प्रयत्न तर केला आहे..शेवटी त्याचीच इच्छा, दुसरे काय...मी फक्त त्याची जादू कॅमेर्यात बंदिस्त करण्यासाठी धडपडणारा एक सामान्य माणूस,नुसते click करणारा एक common man.....

Tuesday 28 August 2012

Wallpaper

इंद्रायणी आणि अभंग

Tuesday 31 July 2012

निसर्गचित्र

कधी कधी देवालाही वाटते की हाती कुंचला घेवून मस्तपैकी portrait करावे, एखादे निसर्ग चित्र काढावे. जेव्ह्वा तो अशी कलाकृती घडवतो तेंव्हा त्यातून एक अजरामर कलाकृती घडते.....

असेच potrait मला पाहायला भेटले किल्ले पुरंदरवर. हा portrait चितारला आहे खुद्द संभाजी महाराजांच्या जन्मस्थानी. देवमाणसासाठी देवानेच घडवलेले हे निसर्गचित्र .......

Saturday 28 July 2012

झरोका

झरोका (Black & White Image)

सध्या पावसाचे दिवस चालु आहेत. फिरायचा हाच एकदम मस्त मौसम आहे. निसर्ग सतत आपले रंग याच दिवसात बदलतो.या वर्षी पाउसमान कमी आहे. का कमी आहे माहीत नाही. कोणी माणसाला दोष देतो कोणी निसर्ग बदलत असतो म्हणून सांगतो. पण नक्की काय होत आहे ते समजत नाही.

असाच १४ जुलै ला देहु ला गेलो होतो.नशिबाने त्याच दिवशी तुकाराम महाराजांची पालखी परत पंढरपुरवरून आली होती. मंदिरात दर्शन घेतले आणि वैकुंठगमन मंदिराकडे निघालो. सहज भंडारा ड़ोंगराकड़े पाहिले तर तिथे काही काळे ढग जमले होते. आणि हळू हळू ढगात झरोका निर्माण होऊ लागला. पहिल्यांदा २ black & white फोटो घेतले पण त्यात मजा नाही आली. शेवटी color फोटो घेतले.

कुठला फोटो उत्तम आहेच हेच समजले नाही म्हणून सगळेच फोटो इथे देवू वाटले.

तो खेळ पहाताना उगीचच मनात कुठे तरी वाटत होत की तुकाराम महाराज तर झरोक्यातून आपल्याला पाहत नसतील ना....?

Sunday 1 July 2012

भीमा नदी

तुलापुरला भीमा, भामा आणि इंद्रायणी या ३ नद्यांचा त्रिवेणी संगम आहे त्यापैकी हा फोटो भीमा नदीचा आहे. मला त्या दिवशी का कोणास ठावुक पण nature फोटोग्राफीसुद्धा Black & White मध्येच करू वाटली.तुम्हालाही हा फोटो आवडेल अशी अपेक्षा करतो.

संथ वाहणारी भीमा नदी, मंदिराच्या पायर्या, पायर्यांवर असणारा कुत्रा आणि आसपासची झाडे यांनी या फोटोला वेगळ्याच विश्वात नेवून ठेवले आहे.

भक्ति

तुलापुरला हे आजोबा भेटले. त्रिवेणी संगमाजवळ देवाच्या नामसंकिर्तनात एकटेच बसले होते. जगाची थोड़ीसुद्धा जाणीव न्हवती. त्यांना disturb न करता फोटो घ्यायचा होता. पण ते सारखे एक जागेवर बसत न्हवते.मी फोटो घ्यायला गेलो की ते जागा बदलायचे. ते मुद्दाम असे करत न्हवते आणि मी किती ही वेळ थांबू शकत होतो आणि मला त्यांचा natural फोटो हवा होता. शेवटी तो भेटला.एक ठिकाणी ते विसाव्यासाठी बसले आणि मी लगेच हा माझा पहिला Black & White फोटो क्लिक केला.

Sunday 17 June 2012

निसर्ग आणि मानवी संगम

आजच पाउस चालु झाला आणि मनात २ वर्षापुर्वीच्या आठवणी मनात जाग्या झाल्या. हां फोटो घेतला आहे सिंहगड किल्ल्यावरून. Nikon coolpix ची Panaroma functionality पहिल्यांदा वापरली.मला मुठा नदी, पुणे शहर आणि भरून आलेले ढग एकाच क्लिक मध्ये capture करायचे होते आणि Panaroma mazya मदतीला आला. अस वाटत आहे की घरांच्या नदीचा आणि मुठा नदीचा संगम होत आहे.मी या फोटोवर जास्त लिहुच शकत नहीं कारण निसर्गाने एवढे फोटोत भरून दिले आहे की कशावर किती आणि काय लिहावे तेच समजत नाही आहे. अशावेळेस फक्त फोटोचा आनंद घ्यायचा असतो आणि मनात आठवणी जाग्या करायच्या असतात.....

Saturday 2 June 2012

कारंजा, वृन्दावन गार्डन

४ वर्षापुर्वीचा हा फोटो आहे. बंगलोरला रहात होतो. खुप दिवसापासून इच्छा होती कैमरा घ्यावा. पैसे जमवले, एकटाच रहात होतो.पैसे साठवले आणि भावाच्या लग्नाचे निमीत्त झाले आणि Nikon Coolpix कैमरा घेतला.मैसूरला गेलो,वृन्दावन गार्डन मध्ये. रात्रीचा flash मारून फोटो काढले आणि फोटो पाहिले. एवढे खराब फोटो आले होते.कधी कैमेराच handle केला नव्हता. फक्त manual वाचून functionality शिकून फोटो काढले होते. रात्रीचे ८ वाजले होते. ९ ला बाग़ बंद होते.खुप वाईट वाटत होते आणि स्वतावर राग पण येत होता.एका ठिकाणी स्थिर बसालो.उदास वाटत होते. आणि मनात आले जे उपलब्ध आहे त्यातून जो उत्तम देण्याचा प्रयत्न करतो तोच खरा कलाकार. मी कलाकार नाही आहे.पण मन जोपर्यंत शांत होत नाही तोपर्यंत मी प्रयत्न सोडत नाही. थोडा कैमरा नीट पाहिला. shaalet शिकलेलो science चे rule apply केले. काही कैमराचे मोड change केले. flash बंद केला.आणि just क्लिक केले. आणि हा फोटो आला.मग काय नुसता हवेत तरंगत होवून फोटो काढत इकडे तिकडे पळत होतो. वेळ कमी होता ना...! आज ही मला त्या दिवशी शिकलेले साथ देते.फक्त या फोटोत जे तारीख आणि वेळ आहे ती हां फोटो ख़राब करते.बेसिक फोटोग्राफर कधीच तारीख आणि वेळ फोटोत दिसून देत नाही.मी काढलेल्या सगळ्या जुन्या फोटोत तारीख/वेळ आहे.पण आता मात्र मी कटाक्षाने तारीख/वेळ आणि flash फोटो काढताना वापरत नाही.आज माझ्याकडे फक्त मोबाइल कैमरा आहे पण त्यातूनसुद्धा उत्तम फोटो काढायचा प्रयत्न करतो....बघुया किती उत्तम जमते ते. Professional कैमरा घ्यायचा विचार आहे पण नाही म्हणून काही हरकत नाही आहे. मोबाइल कैमरा तर आहे.....हां एक मात्र आहे मी आता कधीच Flash वापरत नाही आणि तारीख/वेळ सुद्धा फोटोवर येवून देत नाही..... :-)

रामटेक आणि क्षितिज

कधीतरी वाटत आपणही असच क्षितिजात हरवून जाव...
असच वाटल होत रामटेकवरून हे विहंगम दृश्य पहाताना.....

Friday 1 June 2012

रामटेक आणि टेकडी

रामटेकवरुन घेतलेला हा फोटो आहे.घरांची घाई आणि त्यात एकटीच असलेली टेकडी.आता तरी त्यावर थोडेच बांधकाम होत आहे भविष्याचे माहीत नाही....एकटीच लढत आहे मानवी आक्रमणाविरुद्ध.....रामाच्या मनात काय आहे कोण जाने.....

Thursday 16 February 2012

पुत्र व्हावा ऐसा गुंडा, ज्याचा तिन्ही लोकी झेंडा.

पुत्र व्हावा ऐसा गुंडा, ज्याचा तिन्ही लोकी झेंडा

कर्तुत्व असावं तर असं आकाशालाही भिडणारं.

कर्तुत्व असावं तर असं आकाशालाही भिडणारं

Sunday 29 January 2012

Digitally Altered - बिस्मिल्लाह तेरे नाम से ही शुरू हुआ, तेरे नाम पे ही खतम ये लीला

[gallery link="file" columns="1" orderby="rand"]

हा post मी "बिस्मिल्लाह तेरे नाम से ही शुरू हुआ, तेरे नाम पे ही खतम ये लीला" यातील फोटो एडीट करून बनविला आहे. यातील सर्व फोटो पिकासा 3.9.135.80 हे version वापरून एडीट केले आहेत. खरच Picasa मस्त image editing tool आहे. Common people साठी तर एकदम सोपे आणि झकास आहे......Thanks Picasa.

बिस्मिल्लाह तेरे नाम से ही शुरू हुआ, तेरे नाम पे ही खतम ये लीला

गोलघुमट

हा फोटो काढला आहे २००९ मध्ये.बंगलोर वरून गावी येत होतो.direct बस न्हवती म्हणून विजापूरची बस पकडली होती.सकाळी ९ ला विजापूरला पोहोचलो.नंतर कळले कि विजापूर मध्ये गडबड चालू आहे म्हणून बसेस लेटआहेत.काय करावे विचार केला.वेळ तर खूप होता म्हणून गोलघुमट पाहायला निघालो आणि दंगलीत सापडलो.माझ्यासमोरच बस टायर जाळत होते आणि गडबड चालू होती.एकदा मनात देवाचे नाव घेतले आणि तसाच दंगलीतून वाट काढत पुढे निघालो.फोटो ही घेतले गुपचूप पण ते परत कधी तरी upload करेन.गोलघुमट मध्ये मी एकटाच होतो.सकाळी १०.३० ला हा फोटो घेतला आहे.मला कबरीवरचा जो प्रकाश आणि सावलीचा खेळ होता तो capture करायचा होतो आणि नशिबाने मला तसे फोटो भेटलेही.त्याच बरोबर एक गाणे हि मनात आले जे या फोटो साठी एकदम perfect आहे. कैलाश खेर यांच्या चंदन मे या अल्बम मधल्या या ओळी आहेत. "बिस्मिल्लाह तेरे नाम से ही शुरू हुआ तेरे नाम पे ही खतम ये लीला."

Friday 27 January 2012

शिवाजी महाराजांचे तेज

सूर्याचे नशीब एवढे थोर आहे कि तो खुद्द शिवाजी महाराजांचे तेज बनला आहे.असे तर नाही ना की स्वतः सूर्यच खुद्द शिवाजी महाराजांचे तेज घेवून आपल्याला जीवन देतो.....?

Monday 23 January 2012

Attitude

आम्ही तिघेजण रायगड फिरत होतो. जगदीश्वराच्या वाटेवरती होतो. संतोष फोटो काढत होता.तो कोणी फोटोग्राफर नाही आहे किंवा आम्ही ही मॉडेल नाही आहोत.पण म्हणून काय झाले,Just हुक्की आली. त्याला म्हणालो "अरे, एक फोटो काढ ना पण पाठमोरे".मी आणि दत्ता उभे राहिलो आणि संतोष ने click केले.आज चा post लिहिताना वाटले याच फोटोवर लिहावे.काय सांगत असावा हा फोटो? "राहे बहोत है लेकीन मंझील नही मिल रही" असा negative विचार तर देत नाही ना? क्षणभर चमकलो या विचाराने.आणि दुसऱ्याच क्षणी विचार मनात आला कि "अरे महाराजांच्या राजधानीवर काढलेला फोटो Negative विचार देवूच शकत नाही.सह्याद्री नेहमी बळच देतो. नीट फोटो पाहिला तर luckily आम्हा दोघांची body language सुद्धा cool, confident आणि positive आहे.उलट हा फोटो सांगत आहे कि, 'कितनी भी मुश्किले हो राहो मे हम तो मंझिले पा कर रहेंगे.'"

Friday 20 January 2012

सूर्य आणि दिवेआगार बीच

सूर्य आणि दिवेआगर बीच

सायंकाळी 5 च्या सुमारास दिवेआगार बीचवर घेतलेला हा फोटो आहे.तळपत असलेला सूर्य आहे,समुद्र आहे,पाऊल ठसे आहेत आणि घोडागाडीच्या चाकाचासुद्धा ठसा आहे. जीवनसुद्धा असेच आहे ना ! जीवन समुद्र आहे,आशेचा सूर्य आकाशात तळपत आहे.पण आपण नेहमी जीवन समुद्रात पोहण्याचा आनंद न घेता किनार्यावरच ये जा करतो.काळ कधी आपले पाऊल ठसे मिटवेल सांगता येत नाही.आपली पावले नेहमी संभ्रमात असतात कि समुद्रात जावे का नको.आणि आपण किनार्यावरच थांबतो.सुख दुख तर येंतच असतात पण आपण का थांबायचे?मस्त समुद्रात पोहायचे.मग किती हि उन्हाचे चटके बसू देत.आशेचा सूर्य कवेत येत नाही म्हणून काय झाले तो दिसत तर आहे.

Thursday 19 January 2012

दोन सूर्यांची भेट

commonmanclick चा पहिलाच post आहे. कुठून सुरुवात करावी बरे? माझ्या देवापासून सुरुवात करावी.रायगडला महाराजांच्या दर्शनासाठी गेलो होतो.पहाट होती.एका सूर्याचे दर्शन घ्यायला दुसरा सूर्य येत होता.मला तो क्षण क्लीच्क करायचा होता पण professional कॅमेराचा प्रश्न होता. कोठून आणावा बरे कॅमेरा? शेवटी महाराजांची शिकवण उपयोगास आली.जेवढे आहे त्यातूनच निर्मिती करायची.जेवढे साधन उपलब्ध आहे त्यातूनच जेवढे चांगले घडवता येईल तेवढे चांगले घडवायचे.Mobile ला कॅमेरा आहे.बस्स ठरले यातूनच एक आठवण click करायची.दोन सूर्यांची भेट कॅमेरा मध्ये साठवायची.फोटो घेताना असे वाटत होते की खुद्द स्वतः आकाशाचा स्वामीच या धरतीच्या स्वामीचे तेज बनला आहे.आणि commonmanclick साठी पहिला post या दोन सूर्याचे दर्शन घेवून करायचा.